Հարգելի RUZAN, բարև Ձեզ: Նախ պետք է նշեմ, որ գարդներելյոզը ինֆեկցիա չէ: Գարդներելլան պայմանական ախտածին մանրէ է, որը նորմայում կա հեշտոցի լորձաթաղանթում, և օրգանիզմի իմունիտետի անկման կամ այլ անբարենպաստ պայմանների դեպքում այն կարող է գլուխ բարձրացնել: Գարդներալյոզի երկարատև չբուժման դեպքում, երբեմն այն կարող է առաջացնել արգանդի լորձաթաղանթի, ինչպես նաև հավելումների, այսինքն արգանդափողերի և ձվարանների բորբոքում, որն էլ կարող էր լինել ձվարանի չափերի մեծացման պատճառ: Խորհուրդ է տրվում դիմել գինեկոլոգի և անցնել համապատասխան բուժում հետագա բարդություններից խուսափելու համար:

Հարգելի Իլվանա, բարև Ձեզ: Թարախային անգինան իհարկե խնդիրներ կարող է առաջացնել, սակայն զարկերակային գերճնշման պատճառն այլ է, հարկավոր է դիմել սրտաբանի:

Հարգելի Ruzan, բարև Ձեզ: Միայն ձվարանների չափերի մեծացումով ենթադրել, թե Ձեզ մոտ ինչ խնդիր է հնարավոր չէ: Հարկավոր է պարզել պատճառը, հնարավոր է կա բորբոքում, հորմոնալ խանգարումներ և այլն: Տնային պայմաններում բուժումը ցանկալի չէ, հարկավոր է նախ պարզել պատճառը, այնուհետև համապատասխան բուժում ստանալ:

Հարգելի Mar, ուրեոպլազմոզը սեռական ճանապարհով փոխանցվող ինֆեկցիա է, որը հարուցվում է ուրեպլազմա կոչվող հարուցիչներով և ախտահարում է կնոջ և տղամարդու միզասեռական համակարգը: Այն խրոնիկ ընթացքով ինֆեկցիա է, և հաճախ հիվանդը չի իմանում դրա մասին մինչև կլինիկական ախտանիշների ի հայտ գալը: Այն ախտահարում է տղամարդու միզուղիները, շագանագեղձը, ամորձիները: Արտահայտվում է քորով, այրոցի զգացումով, դիզուրիկ երևույթներով և այլն: Կանանց  մոտ այն առաջացնում է միզուկաբորբ, հեշտոցի բորբոքում, երկարատև չբուժվելու հարուցիչը կարող է անցնել արգանդ, առաջացնել էնդոմետրիտ, ինչպես նաև արգանդափողերի և ձվարանների բորբոքում: Ուրեոպլազմայի բուժումը պետք է ուղղված լինի ինչպես հարուցչի դեմ, այնպես էլ սիմպտոմատիկ, և իմունիտետի բարձրացմանը: Բուժում պետք է ստանան և ամուսինը, և կինը: Ստորև ներկայացնում ենք ռուսական կայքի հղում, որտեղ կգտնեք օգտակար ինֆորմացիա.

https://health.mail.ru/disease/ureaplazmoz/

Հարգելի Իլվանա, բարև Ձեզ: Լեղապարկի պապիլոմաները լորձաթաղանթի բարորակ հիպերպլազիաներ են, կախված պապիլոմայի չափերից և նրա մեծանալու հակումից, բուժման մեթոդները տարբեր են: Եթե պապիլոմայի չափերը մեծ են 10մմ-ից կամ դրանք հակում ունեն մեծանալու, ապա բուժման միակ միջոցը վիրահատականն է: Եթե պապիլոմայի չափերը փոքր են, դրանք կարելի է բուժել դեղորայքային կամ ավանդական միջոցներով: Եթե պապիլոմաները մեծանում են, ապա մեծ է չարորակացման ռիսկը: Հարկավոր է անընդհատ դինամիկ հսկողություն: Ինչ վերաբերում է զարկերակային ճնշման բարձրացումներին, ապա դա կապ չունի պապիլոմաների հետ, պատճառն այլ է: Հարկավոր է դիմել սրտաբանի համապատասխան բուժում ստանալու համար: 

Հարգելի Astxik, բարև Ձեզ: Ցավերի պատճառները տարբեր են, օրինակ բորբոքային պրոցեսները կպումները, հաճախ ցավի պատճառ ձվարանի կիստան է: Ցանկալի է կատարել ՈՒՁՀ ցավի պատճառը պարզելու համար: Ի վեջո ցավերը կարող են ընդհանրապես էլ կապված չլինել կանացի օրգանների հետ:

Հարգելի Diana, այդ դեպքում հարկավոր է դիմել գինեկոլոգի հետազոտվելու համար, անպայման պետք է պարզել արտադրության բնույթը և պատճառը: 

Հարգելի Diana, Ձեր հարցն անհասկանալի է: Խնդրում եմ ավելի մանրամասն գրեք, ինչ նկատի ունեք " Կեխտի արտադրություն" ասելով, այդ արտադրությունը սեռական ուղիների՞ց է:

Հարգելի Mar,  ինչպես գիտեք պապիլոմաներն առաջանում են, մարդու պապիլոմավիրուսով վարակվելուց հետո: Անկախ նրանից պապիլոմաներն անհանգստացնում են հիվանդին, թե ոչ հարկավոր է դրանք հեռացնել: Պապիլոմաների հեռացման հիմնական մեթոդները կրիոդեստրուկցիան և էլեկտրոկոագուլյացիան են, սակայն դա չի նշանակում, որ պապիլոմաները հեռացնելուց հետո վիրուսն օրգանիզմից անհետանում է, հնարավոր է, որոշ ժամանակ անց դրանք նորից առաջանան, այլ հատվածներում: Վիրուսը վերջնականապես բուժել ցավոք ներկայուս հնարավոր չէ, հարկավոր է պապիլոմաների վիրաբուժական բուժումը զուգակցել հակավիրուսային վիջոցների հետ, վիրուսի ակտիվությունը նվազեցնելու և ռեցիդիվների միջև երկար ժամանակահատված ստանալու համար:

Հարգելի Սոֆյա, բարև Ձեզ: Սննդի հետ կապված փորկապությունները կարող եք կանխարգելել մեծ քանակությամբ բջջանյութ պարունակող սնունդ ընդունելուվ: Մեծ քանակով բջջանյութ պարունակվում է մրգերի և բանջարեղենի մեջ, բանջարեղենից օգտակար է հատկապես մեծ քանակությամբ կաղամբի, ծաղկակաղամբի, բրոկոլիի օգտագործումը, լոբու: Մրգերց բջջանյութով հարուստ են հատկապես տանձը և խնձորը, ցանկալի է օգտագործել կեղրով: Փորկապություն կանխարգելման լավագույն միջոց է սալորաչիրը, կարող եք առավոտյան վարսակի փաթիլներից պատրաստված շիլա ուտել սալորաչրով: Փորկապություններից խուսափելու համար կարևոր է նաև օրեկան 2-3 լիտր ջուր խմել: Հարկավոր է խուսափել ալյուրից պատրաստված կերակուրներից, օրինակ մակարոն, թխվածքներ և այլն:

Հարգելի Narek, բարև Ձեզ: Այդ հատվածում ցավերի պատճառ կարող են լինել մի շարք հիվանդություններ, որոնց մի մասը ունի դեղորայքային, մյուս մասը վիրաբուժական բուժում: Նման ցավեր կարող են լինել պոչուկի կիստայի, էպիթելայի ուղիների դեպքում, որոնց բուժումը միայն վիրաբուժական է: Ցավեր կարող են լինել նաև տվյալ հատվածի նյարդերի բորբոքման հետևանքով, ողնաշարի խնդիրների դեպքում, մկանային լարվածության և այլ դեպքերում: Հարկավոր է դիմել բժշկի և մանրամասն հետազոտվել:

Հարգելի Arpine, եթե երևույթները նվազեն, դա կնշանակի որ խնդիրը կապված է հենց պրոստագլանդինների գերարտադրության հետ, այս դեպքում սիմպտոմատիկ բուժումը բավականին լավ էֆեկտ կարող է տալ, կոնկրետ այս դեպքում նշված մոմիկների օգտագործումը: Սակայն լրացուցիչ հետազոտվելը միշտ էլ ցանկալի է:

Հարգելի Arpine, նորմայում դաշտանը չպետք է ուղեկցվի նման երևույթներով: Նախ պետք է մանրամասն հետազոտվել պատճառը պարզելու համար: Հնարավոր է դա կապված է դաշտանի ժամանակ օրգանիզմում պրոստագլանդինների գերարտադրության հետ: Նման վիճակը կանխարգելելու համար կարող եք սպասվող դաշտանի օրվանից 5 օր առաջվանից, մինչև դաշտանի օրը, օրական մեկ անգամ, երեկոյան քնելուց առաջ դիկլոֆենակի մոմեր դնել հետանցք: Դա կարող եք անել մի քանի դաշտանային ցիկլերի ընթաացքում, երևույթները հետզհետե կնվազեն: